Informacione mbi shendetin........

Kakao përmirëson qarkullimin e gjakut

Një studim i ri botuar në revistën "Neuropsychiatric Disease and Treatment", ka treguar se flavanoli nga kakao përmirëson qarkullimin e gjakut në tru.

Shkencëtarët kanë pohuar se ndikimi pozitiv i kakaos në qarkullimin e gjakut në tru është si pasojë e aktivitetit meritor antioksidues të flavanolit.

Nga ana tjetër, autorët e studimit njoftojnë se qarkullimi i rregullt trunor për një kohë më të gjatë ka ndikim pozitiv në funksionet dhe aftësitë njohëse dhe njëkohësisht mbron nga demnenca.

Një petull e ëmbël në ditë e dëmshme për shëndet

Një studim i shkencëtarëve nga Hong Kongu ka treguar se konsumimi i vetëm një petulle të ëmbël në ditë është shumë më i dëmshëm për organizmit tuaj sesa mendoni.

Një petull e ëmbël mund të përmbajë rreth 2.2 gramë trans-yndyra të dëmshme, e cila është sasi shumë më e madhe e yndyrave sesa ajo që e rekomandon OBSH për tërë ditën.

Petulla e ëmbël e mbushur me krem, bën pjesë në 85 produktet ushqyese të cilat janë testuar nga ekspertët në Hong Kong, dhe e cila ka lidhshmëri me ndikimin negativ të trans-yndyrave dhe yndyrave sintetike në sëmundjet e zemrës.

Testet kanë treguar se në çdo 100 gramë të petullës së ëmbël të mbushur me ndonjë krem, gjenden 4.7 gramë trans yndyra.

Për këtë arsye shkencëtarët paralajmërojnë se marrja ditore e sasive të mëdha të trans-yndyrave nga organizmi, është e lidhur drejtpërsëdrejti me rrezikun e shtuar për sëmundje kardiovaskulare

Çipsi armiku i zemrës tuaj

Disa studime tё fundit kanë dhënë arsye shtesë se pse çipsi duket të konsumohet në sasi të kufizuar.

Çipsi në të vërtetë mbështillet me akrilamid dhe shkencëtarët polak kanë zbuluar një lidhje mes akrilamidit nga ushqimi dhe rrezikut të rritur të sëmundjeve të zemrës.

Pasi personat e eksperimentuar në këtë studim kishin konsumuar një sasi të çipsit, e cila në ditë kishte dhënë mesatarisht 157 μg akrilamid, për katër ditë të tjera ishin vërejtur disa ndryshime biokimike.

Shkencëtarët kanë vërejtur ndryshime negative në nivelin e LDL-kolesterolit, rritje të disa markerëve të inflamacioneve, por edhe rritje në nivelet e disa antioksiduesve, të cilët ndihmojnë eliminimin e akrilamidit nga organizmi. Që të gjitha këto janë shenja të rritjes së rrezikut të sëmundjeve të zemrës.

Përndryshe edhe më herët ishte vërtetuar edhe lidhja në mes të akrilamidit dhe çrregullimeve të sistemit nervor, ndërsa disa studime e kanë lidhur atë edhe me rritjen e rrezikut nga kanceri.

Shqetësimi & stresi i provimeve ndikon në kujtesë

Shkenctarët paralajmërojnë për shqetësimin e nxënësve gjatë sezonit të provimeve.Presioni i prindërve dhe stresi provimeve tek disa nxënës për disa orë ndikon në mos funksionimin e kujtesës. Zgjidhja e saj është qetësia dhe një gjumë i rehatshëm.

Gjatë zhvillimit të provimit është më se normale që nxënësi të ketë shqetësim,por ky shqetsim nuk duhet te kalojë në nivel paniku.Paniku ndikon për disa orë në mos funksionim të kujtesës së tyre.Hormonet e stresit ndikojnë në qendrën e kujtesës, për këtë arsye shqetësimi i tepërt ndikon në mosfunksionimin e kujtesës duke e paralizuar atë.

Stresi dhe shqetësimi i tepërt krijon sëmundje tek njeriu,nga shqetësimi i tepërt kalon gjakë me presion në hormone,kështu që hormonet ndikojnë në mosfunksionimin e qelizave.Një rrugë që duhet ndjekur për të pakësuar shqetsimin tek fëmijët është: prindërit duhet ti motivojnë ata kur tek fëmijët lindin mendime negative duke i zvendësuar me mendime pozitive si psh: po sikur të më pyesi mësuesi nga temat që skam mësuar, duke e zvedësuar menjëherë me "mësuesi do pyesi nga temat që ti ke mesuar".

Pasi ka përfunduar provinmi tek të gjithë fëmijët lindin mendime se mos ka marrë not të keqe.Prindërit duhet të flasin me fëmijën për gjithë simestrin duke mos e kritikuar për notën e keqe. Sepse fëmija mund të humbas provimin,por ju mund të humbisni atë
Gjatë sezonit të provimeve edhe dieta është e rëndësishme duke konsumuar fruta dhe perime pasi ndikojnë në uljen e shqetësimit dhe stresit tek fëmija. Duke e shmangur atë nga konsumimi i ushqimit me yndyrna , pasi nuk ndikon mirë tek fëmijët.

Gjumi është i rëndësishëm

Gjumi formaton trupin dhe trurin e njeriut nga fillimi,prandaj kohën e gjumit ta vlersojmë si kohë të nevojshme dhe jo kohë të harxhuar.Gjumi,është bateria e trurit.Njeriu duhet te flejë 8 orë gjumë.Gjatë studimeve të mbrëmjeve nëse e ndjeni veten të lodhur ose në stress një fjetje rreth 10 -15 minuta do të ishte ilaçi që do t'u sillte energjitë përsëri,ku truri do të jetë në formën maksimale për 4-5 orë në vijim.

Rrushi i zi lufton sulmet nё zemër

Nga rrushi i zi nuk bёhen vetëm verërat, por ky fryt edhe nёse konsumohet edhe i freskёt ёshtё njё bar i çuditshёm kundër sulmeve nё zemër, ka treguar njё studim i fundit shkencor.

Shkencëtarët nga Unitersiteti i Madridit, kanë bërë një analizë të atyre pjesëve të rrushit të cilat janë më të pasur me proteina. Është nxjerrë një ekstrakt i cili përmban proteina dhe antioksidues, për ndryshim prej pemëve tjera të cilat kanë pak proteina dhe vetëm antioksidues.

Shkencëtarët me ekstraktin e rrushit kanë bërë një varg hulumtimesh, nga të cilat kanë nxjerrë përfundimin se konsumimi i saj e ka ulur presionin e gjakut për 5% , kolesterolin për 14%, veçanërisht kolesterolin e keq (i njohur si LDL).

Shkencëtarët këshillojnë se nëse rrushi përfshihet në ushqimin e përditshëm, mund ta zvogëlojë rrezikun për sulme në zemër deri në 50%. Ekstrakti i rrushit mund të ndihmojë veçanërisht njerëzit të cilët vuajnë nga presioni i lartë i gjakut si dhe niveli i rritur i kolesterolit.

Veshët “në rrezik” bakteresh nga mp3

Të dëgjosh muzikë me mp3 mund të jetë më e dëmshme nga sa mendohet. Aurikolaret, përfaqësojnë “vendin ideal” për bakteriet. Rezultati? Veshët dhe shëndeti në rrezik.

Të paktën ky është konkluzioni i një studimi të kryer nga një ekip shkencëtarësh indian të “Kasturba Medical College” të Manipal, që kanë kaluar “në lente” rreth 50 tipe aurikolarësh dhe, natyrisht veshët e një kampioni të rinjsh. Gjysma e tyre përdornin rregullisht mp3, të tjerët nuk e përdornin asnjëherë.

Në këtë mënyrë, shkencëtarët kanë mundur të tregojnë, ashtu si citohet në “Journal of Health and Allied Sciences”, se veshët e personave që nuk hiqnin dorë nga ky aksesorë, ishin më të prekur nga bakteret. E për më tepër, këto mikroorganizma, mes të cilave dhe baktere si stafilokoku, ndodheshin tek aurikolarët

Pjepri i hidhët kundër diabetit

Substancat kimike të izoluara nga pjepri i hidhët kanë potencial të fortë për prodhimin e barnave të reja për mjekimin e diabetit.

Eksperimentet in vitro dhe studimet te minjtë laboratorikë kanë treguar se substancat nga pjepri i hidhët, e kanë zvogëluar sasinë e glukozës në gjak dhe e kanë përmirësuar metabolizmin e glukozës, ndërsa disa komponentë tjerë të këtij lloji të pjeprit kanë shfaqur efekt të ngjashëm me insulinën.

Supozohet se pjepri i hidhët përmban afër 70 përbërës aktivë biologjikë, ndërsa për terapi mjekësore në mënyrë tradicionale përdoret në Azi.

Aspirina nuk u ndihmon diabetikëve

Doza ditore e aspirinës duket se nuk ndihmon për parandalim e sulmit në zemër i cili mund të vijë si komplikim te personat që vuajnë nga sëmundja e sheqerit, ka treguar një studim i ri.

Hulumtimi i botuar në revistën “British Medical Journal”, ka analizuar rreth 1.280 pacientë të cilët vuanin nga diabeti dhe kishin të dhëna për komplikime arteriale, dhe të gjithë ishin mbi 40-vjeçarë.

Shkencëtarët kanë zbuluar se përqindja e sulmeve në zemër dhe vdekshmëria është e njëjtë edhe te pacientët të cilët kishin marrë aspirinën si preventivë, edhe tek ata të cilët nuk kishin marrë aspak aspirinë.

Vaji i ullirit-të mirat dhe të këqijat

Vaji i ullirit, përbën një formulë shëndeti dhe jetëgjatësie. Në të gjenden acidet omega-3-yndyrore, vitamina A dhe E, metale, selen, si dhe substanca antioksiduese, të cilat mbrojnë qelizat nga shkatërrimi, që mund të vijës si pasojë e radikaleve e të lira.

Dobitë

- Ul sasinë e kolesterolit "të keq" në gjak, që rezulton në uljen e sëmundjeve të zemrës.

- Rrit sasinë e kolesterolit "të mirë", duke ndihmuar kështu funksionin e mirë të enëve të gjakut.

- Parandalon formimin e trombozave. Personat që konsumojnë dy lugë vaj ulliri në ditë, kanë rënie të LDL-kolesterolit dhe ngritje të nivelit të substancave antioksiduese në gjak të cilat kanë efekt pozitiv në mbrojtjen e zemrës.

- Ul presionin e gjakut dhe ndihmon në terapinë e hipertensionit.

- Ndihmon në funksionin optimal të trurit, si dhe në shëndet të mbarë të kockave, sidomos në fëmijë të vegjël, pasi ndihmon në absorbimin e kalciumit.

- Duke qenë i pasur në vitaminë E, ndihmon në mbarëvajtjen e procesit të plakjes dhe, për këtë, është i domosdoshëm për të moshuarit.

- Mbron stomakun nga ulcera dhe gastriti.

- Mbron mëlçinë nga çrregullime dhe infeksione të ndryshme

- Studimet e reja tregojnë se ndihmon në parandalimin e kancerit të lëkurës, të zorrës, të prostatës dhe të gjirit dhe mbron qelizat e ADN-në nga deformimet, që mund të çojnë në shfaqjen e kancerit.

- Është më rezistues ndaj temperaturave të larta të gatimit.

- Ndihmon metabolizmin dhe rregullimin e sheqerit në gjak.

Padobitë

Vaji i ullirit është produkti që, në 100 g ka pothuajse 1.000 kalori, më shumë nga çdo lloj ushqimi tjetër! Për këtë arsye duhet konsumuar me sasi shumë të kufizuara, pasi mund të çojë shumë lehtë në shtim peshe.

Konsumimi i një veze çdo mëngjes është i dëmshëm

Ekspertët pohojnë se konsumimi madje i vetëm një veze në ditë mund të shkaktojë diabet.

Edhe pse ekziston mendimi se vezët janë të shëndetshme për shkak se janë përplot me vitamina, një studim më i ri i realizuar nga shkencëtarët në Boston, ka treguar se nuk është tamam ashtu.

Studimi ka përfshirë analizën e 57.000 participantëve, femra dhe meshkuj, ndërsa rezultatet kanë treguar se konsumimi i vetëm një veze në ditë shton rrezikun për zhvillimin e diabetit për 60% te meshkujt dhe për 77% te femrat.

Diabeti është njëra nga sëmundjet më të përhapura në botën bashkëkohore, ndërsa shkaktohet si rezultat i një çrregullimi, i cili shkakton rritjen e nivelit të sheqerit në gjak.

Të kujdesemi për dhëmbët

Kujdesi për dhëmbët dhe infeksionet Dhëmbët e pastër dhe një furçë e pastër dhëmbësh janë mjete të efektshme kundër infeksioneve. Studiuesit kanë vënë re se bakteret që gjenden në gojë mund të qarkullojnë nëpër pjesë të tjera të trupit.

Kjo do të thotë se një higjienë e keqe e gojës mund të ketë të bëjë me infektime në trup, sëmundje të zemrës apo ndonjë infarkt zemre. Dhëmbët duhet të lahen më së shumti 20 minuta pas një vakti ngrënieje. Gjithashtu duhet ndërruar furça e dhëmbëve menjëherë pas ndonjë ftohjeje apo infektimi të fytit pasi mbetet rreziku që njeriu t´i ngjisë infektimin përsëri vetvetes. Koenzima Q10 bën të mundur shndërrimin e energjisë nga ushqimi në energji trupore.

Bakteret dhe infeksioni i mishit të dhëmbëve

Një higjienë e keqe, jo vetëm që është origjina e kariesit të dhëmbëve, por dhe shkaktari kryesor i infeksionit të mishit të dhëmbëve. Tartari është një pllakëz bakteriale e ngurtësuar dhe e depozituar përreth dhëmbëve. Fillimisht kjo pllakëz shkakton infeksion në mishin e dhëmbit dhe më vonë infeksioni përhapet dhe mund të arrijë deri në kockë, gjë që çon në mënyrë të pashmangshme në rënien e dhëmbit. Bakteret e para që mbulojnë sipërfaqen janë përgjithësisht bakteret gram-pozitive, kokët, sidomos streptokokët dhe kokobacilet, siç është antinomyces. Shtresa fillestare është e karakterizuar nga një veshje e përkohshme e sipërfaqes së dhëmbëve.

Koenzima Q10 mban te freskët gojën

Pastat e dhëmbëve duhet të përmbajnë koenzimën Q10 e cila forcon dhëmbët dhe e mban të freskët mishin e tyre. Nga ana e saj Q10 forcon florën bakteriale natyrore dhe mbrojtëse të gojës. Asnjë pastë dhëmbësh nuk i bën dhëmbët më të bardha se ç´janë. Pasta heq njollat nga dhëmbët por kurrë nuk i zbardh ato. Fluori është lënda më e rëndësishme e pastës së dhëmbëve. Ai forcon dhëmbët dhe rrit qëndrueshmërinë e tyre ndaj sulmeve të acideve. Fluori gjithashtu frenon gërryerjet e dhëmbëve dhe mund të ndihmojë dhëmbët me vrima të vogla. Por edhe fluori duhet marrë në mënyrë të matur. Në Evropë përqindja më e lartë e fluorit që lejohet të përmbajë një pastë dhëmbësh është 0,15 %. Mund të jetë e shkruar edhe si 1.500 ppm.

Kariesi një proces shkatërruespër dhëmbin

Kariesi përbën një proces shkatërrues për dhëmbin, shkaktarë të të cilit janë bakteret e pranishme përreth sipërfaqes së dhëmbëve (pllakëzat bakteriale). Numri i mikrobeve të izoluara në gojë është më shumë se sa 350, por janë të pakta ato të cilat janë të implikuara në krijimin e kariesit. Pjesa më e madhe e baktereve të implikuara në pllakëzat bakteriale të krijuara në sipërfaqen e dhëmbëve përfaqësohen nga: streptokoko mutans lactobacilli dhe actinomiceti.

Këto baktere në qoftë se nuk do të lëvizen dhe të pastrohen nga furça e dhëmbëve, bien në kontakt me sheqernat që janë prezente tek ushqimet e përditshme. Janë pikërisht sheqernat ato që i japin këtyre baktereve forcën për të filluar shpërbërjen e mineraleve të dhëmbit.

Qumështi ndihmon për një gjumë më të mirë

Sigurisht keni dëgjuar për aftësinë magjike që qumështi i ngrohtë të ju lehtësojë të futeni në botën e ëndrrave. E dini se kjo është e vërtetë?

Qumështi dhe produktet e qumështit përmbajnë aminoacidin e quajtur triptofan, i cili është një substance stimuluese e gjumit.

Triptofani është një prej 20 aminoacideve standarde, njësive prej të cilave përbëhen proteinat, dhe bën pjesë në grupin e aminoacideve esenciale, që do të thotë se atë duhet marrë me ushqime, pasi organizmi nuk arrin ta sintetizojë.

Ushqime të tjera të cilat përmbajnë këtë lëndë gjumë-stimuluese janë edhe mishi i shpezëve, bananet, tërshëra, vezët dhe mjalti.

Cannabis sattiva ilac popullor

Canabis Sattiva ndihmon në kurimin e sklerozës multiple.Kurat me bazë Canabisi mund të kenë rezultate më afatgjata për pacientët me sklerozë multiple,- deklaruan shkencëtarët.

Rezultatet e një studimi të shkurtër 15 javor, të kryer te pacientët me sklerozë multiple, ishin të paplota, sepse megjithëse pacientët deklaruan se kishin pasur lehtësime në çlirimin e muskujve të kontraktuar, ngurtësinë dhe lëvizshmërinë, zbulimet nuk mund të konfirmoheshin nga fizioterapistët.

Por mjeku John Zajicek, pranë shkollës mjekësore "Peninsula Medicak School" në universitetin "Exeter" dhe "Plymouth", në jugperëndim të Anglisë, i cili drejtoi studimin, deklaroi gjatë një konference se rezultatet tregonin se personat që e vazhdonin kurën për një periudhë njëvjeçare kishin më shumë shanse për përmirësim.

Pulsi i lartë, rrezik nga sulmi në zemër

Ata kanë konstatuar se te femrat me numrin më të madh të rrahjeve të zemrës ekziston edhe mundësi më e madhe që të përjetojnë sulm në zemër, sesa femrat me rrahje më të pakta

Me matjen e numrit të rrahjeve të zemrës, mjekët mund të parashikojnë se sa është mundësia që një femër në post-menopauzë të përjetojë sulm në zemër, thuhet në një studim të botuar në revistën e specializuar mjekësore 'British Medical Journal', bën të ditur BBC. Shkencëtarët amerikanë me këtë studim kanë përfshirë 129.000 gra në post-menopauzë, të cilat në të kaluarën nuk kanë pasur probleme me zemrën.

Ata kanë konstatuar se te femrat me numrin më të madh të rrahjeve të zemrës, ekziston edhe mundësi më e madhe që të përjetojnë sulm në zemër, sesa femrat me rrahje më të pakta. Shkencëtarët gjatë shtatë vjetëve kanë përcjellë gratë më të vjetra se 50 vjeçe dhe kanë shënuar se 2.281 femra kanë përjetuar sulm në zemër, me apo pa pasoja vdekjeprurëse si dhe 1.877 femra kanë pasur sulm në tru.

Femrat te të cilat numri i rrahjeve të zemrës ishte më i lartë se 76 herë në minutë, kanë 1.6 herë më shumë mundësi që të përjetojnë sulm në zemër, sesa që ndodh me femrat te të cilat numri i rrahjeve të zemrës është më pak se 62 herë në minutë.

Gjasat për sulm në zemër janë më të mëdha te femrat e reja në post-menopauzë. Pesha, shtypja e lartë e gjakut, kolesteroli i lartë dhe konsumimi i yndyrave të ngopura në organizëm, të gjitha këto janë dukuri të pranishme te femrat me përqindje më të madhe të rrahjeve të zemrës, njëjtë sikurse diabeti, pirja e duhanit dhe depresioni, thonë studiuesit. Lidhja e vërejtur mes numrit të rrahjeve të zemrës gjatë një minute me gjasat e sulmit në zemër është mjaft e madhe, që të jetë në mënyrë klinike relevante. Ata e kanë pranuar se kjo lidhje është më e vogël se sa që është lidhje e pirjes së duhanit dhe diabetit me sulmin në zemër.

QE SOT E TUTJE SKA ME LLOKUME DHE KTO EMBELSIRAT ME SIPER :66829: :diall:

ENTONY shkruajti:

QE SOT E TUTJE SKA ME LLOKUME DHE KTO EMBELSIRAT ME SIPER :66829: :diall:

qe tani e tutje do hash vetem speca djegs :0123: :0123: :0123: :0123: :0123: